Meta: Plani yne, antivarferi

Kryetari i Partise Levizja Socialiste per Integrim, Ilir Meta, ne vijim te turit elektoral per prezantimin e Planit per Veprim, eshte ndalur dje ne qytetin e Elbasanit, ku ka prezantuar planin e partise se tij antivarferi. Gjate fjales se mbajtur perpara mbeshtetesve te LSI, Meta ka premtuar se do te nxjerre bujqesine nga kriza, duke subvencionuar deri ne 25% per qind per inputet, si farerat, fidanet, pesticidet, plehrat kimike, karburantin per punimet ne bujqesi. Ndersa per sa i takon subvencionimit te njesise se prodhimit, ai sqaroi se do te jete deri ne masen 20 %. "Permes nje politike te tille mbeshtetese dhe subvencionuese, synohet qe brenda 4 viteve gati 60-70 % e importeve te sotme, te zevendesohen me prodhim vendi", deklaroi Ilir Meta. Sipas ish-kryeministrit, vetem me kete politike ne fushen e bujqesise dhe industrise agroperpunuese, ne do te realizojme punesimin e 100 mije shqiptareve, si ne fshat dhe ne qytet", u shpreh Meta. Duke u ndalur tek kostoja e jeteses qe eshte nje nga problemet me te medha te shqiptareve, sidomos per familjet me te ardhura me te pakta, lideri i LSI premtoi tatim 0 mbi te ardhurat, per pagat deri 250 mije leke te vjetra. "Plani per Veprim, eshte permbledhja e programit te plote elektoral dhe qeverises te LSI per zgjedhjet e 28 qershorit per kater vitet qe vijne", vleresoi ai. Sipas Metes, eshte nje plan konkret dhe realist, eshte nje plan i bazuar mbi mundesite aktuale qe ka vendi yne dhe mbi prioritetet e zhvillimit te tij. Duke folur per punesimin, kryetari i LSI, u shpreh se "punesimi eshte ceshtja me e madhe qe kane te gjithe shqiptaret sot". "Eshte biznesi qe perfaqeson numrin me te madh te eksporteve drejt BE, gati 800 milione euro dhe ta lesh ne meshire te fatit, do te thote te lesh dhjetera-mijera njerez pa pune", theksoi ish-kryeministri. Ai premtoi se per bizneset e reja qe do te krijohen, do te perjashtohen nga tatim-fitimi ne rastet kur punesojne te pakten 5 punetore per tre vitet e ardhshme dhe do te kene lehtesira te pershkallezuara, per numrin ne rritje te atyre qe do te punesojne. Duke folur per koston e shtrenjte te jeteses se shqiptareve, Meta theksoi se LSI do te marre masa per lehtesimin e saj. Keshtu ai u shpreh se do te subvencionojme energjine per 300 kilovat/ore ne muaj, per konsumatoret familjare te varfer dhe do te pergjysmojme TVSH nga 20% deri ne 10%, per produktet e shportes, si vaji, orizi, makaronat etj.

Ish-Kryeministri: Plani yne per liberalizimin e vizave

Lideri i Levizjes Socialiste per Integrim, Ilir Meta, sqaroi ne Elbasan planin e tij per liberalizimin e vizave. "Per vizat ne kemi nje program te qarte. Ne fund te ketij viti, hiqen vizat me gjithe vendet e rajonit tone dhe brenda 1 viti me vendet e BE-se, pasi ka nje vullnet per te liberalizuar vizat me vendet e Ballkanit, sic eshte edhe Shqiperia. Ne garantojme qe brenda 1 viti, do te plotesojme ato standarde konkrete qe duhen per liberalizim te plote te vizave", premtoi ish-kryeministri.

D. Dedej