Meta: Punesimi i grave, prioritet ne programin qeverises

BERAT- Kryetari i Levizjes Socialiste per Integrim, Ilir Meta, u ka uruar festen te gjitha nenave, grave dhe vajzave, nga qyteti i Beratit. Meta gjate fjales se tij ka sqaruar se ne programin qe kjo parti ka per te drejtat e gruas, punesimi i grave eshte prioriteti kryesor per kete force politike kur te vij ne pushtet. Gjithashtu ai duke iu drejtuar grave beratase u shpreh se duhet t'i thuhet stop dhunes ndaj grave. Qindra gra dhe vajza, perkrahese te LSI-se, u bene pjese e kesaj feste qe eshte zhvilluar dje ne ambientet e Hotel " Turizmit". 100 pjesemarrese kane urimin per festen e tyre nga kryetari i LSI-se, Ilir Meta, i cili ka preferuar qe kete te diele ta kaloje me grate dhe vajzat beratase duke u bere pjese e festes se tyre. Ne fjalen e tij perpara pjesemarresve Meta i ka uruar ato per festen e 8-marsit, por ka premtuar me teper vemendje menjehere pas ardhjes ne pushtet te kesaj force politike. "Grate duhet te perfaqesohen me shume ne numer per vete vlerat qe kane", eshte shprehur Meta perpara tyre. Ai siguroi se do te jete pikerisht LSI, qe me ardhjen ne pushtet do te ofroje jo vetem nje perfaqesim me te mire te grave, por do te tregoje me teper vemendje per grate dhe vajzat e te gjithe vendin. Pasdite lideri i LSI ka zhvilluar nje takim me grate e bashkise se Ures Vajgurore ku ka percjelle urimin per festen, nderkohe qe eshte ndaluar dhe ne fshatin Peshtan te rrethit te Beratit.