Meta: Rotacion per te zhvilluar vendin

Kryetari i Levizjes Socialiste per Integrim, Ilir Meta e ka cilesuar si te domosdoshem rotacionin politik ne zgjedhjet e 23 qershorit. Ne takimet e zhvilluara ne Peshkopi dhe Bulqize, Meta u shpreh se plani i punesimit te LSI-se mund te realizohet me ardhjen ne pushtet te kesaj force. “Kam takuar shume te rinj, te cilet ishin shume te zhgenjyer dhe te cilet kishin shume energji qe nuk dinin ku t’i investonin. Prandaj eshte koha per rotacion, eshte koha per ndryshim, eshte koha per t’u dhene te ardhme femijeve tuaj, eshte koha per ndryshime te fuqishme te cilat e bejne realitet brenda mandatit te ardhshem Rrugen e Arbrit”,- tha Meta dje ne takimin e zhvilluar ne Peshkopi. Meta shtoi se plani i punesimit te LSI-se eshte nje projekt konkret qe synon te sjelle zhvillimin e zonave si Peshkopia dhe Bulqiza. Kreu i LSI-se u shpreh se ndertimi i rrugeve nuk ka sjelle automatikisht zhvillimin e vendit. “Eshte koha per te cuar perpara planin e punesimit te LSI-se. Rruget jane shume te rendesishme dhe ju e ndjeni largesine e madhe qe ka mbetur midis Dibres dhe Tiranes, por une dua t’iu them se edhe atje ku jane bere rruge nuk ka pasur edhe ndonje progres te theksuar social”,- tha kreu i LSI-se. Meta tha se papunesia eshte nje problem mjaft i ndjeshem ne Diber dhe per shmangien e saj duhen projekte konkrete. “Sot ne qytetin e Peshkopise, por edhe ne gjithe kete qarkun, papunesia eshte shume me e madhe se perpara tete viteve. Numri i familjeve qe marrin asistence sociale eshte akoma me i madh ndersa fondi eshte ne zbritje per te mos folur per Rrugen e Arbrit, qe premtohet sa here qe ka fushata elektorale”,- tha kreu i LSI-se. Ai ka sjelle ne vemendje ndertimin e Rruges se Kombit, duke u shprehur se ne Kukes kjo rruge nuk ka nxitur punesimin. “Pak dite me pare isha ne qytetin e Kukesit, i cili eshte qyteti qe ka perfituar si askush tjeter nga Rruga e Kombit ne shkurtimin e distances me Tiranen, por sa i takon aspektit ekonomik dhe social situata ne kete qytet ne vend qe te permiresohej eshte perkeqesuar ne raport me 4 vite me pare kur kjo rruge perfundoi”,- tha kreu i LSI-se. Kreu i LSI-se ka kerkuar voten per kete force politike me 23 qershor, duke u shprehur se Dibra ka mundesi per me shume investime dhe zhvillim nese voton per rotacionin politik. “Nuk mund te sjelle asnje perspektive me te mire per ju nje qeveri qe ne 8 vite nuk beri as minimumin me te domosdoshem per te treguar kujdesin dhe vemendjen ndaj te gjithe juve. Jo vetem kaq por tani, edhe ne shenje mirenjohje per mbeshtetjen qe shumica e Dibres i ka dhene per 8 vite, duke ndjere humneren elektorale ku kane hyre, po jua shperblejne me presione nga me te uletat”,- u shpreh kreu i LSI-se.

REPLIKA

“Sot edhe Berisha premton se do te hape 250 mije vende te reja pune per 8 vitet qe vijne. Por, gjate ketyre 8 viteve me shume vende pune u mbyllen sesa u hapen sepse mungoi vizioni, mungoi politika e mencur dhe e perkushtuar per te hapur vende te reja pune, ne Bulqize dhe kudo ne gjithe qarkun tuaj dhe ne shume zona te tilla ne te gjithe Shqiperine”.