Meta: Te rinjte e LRI, tubim per integrimin
Levizja Rinore per Integrim do te zhvilloje me 26 prill nje tubim per integrimin e vendit. Lajmi eshte bere i ditur diten e djeshme nga kryetari i Levizjes Socialiste per Integrim, Ilir Meta, gjate nje takimi te zhvilluar paraditen e djeshme ne qytetin e Berati me te rinjte e ketij qyteti, ku shoqerohej edhe me drejtues te LRI. Ne fjalen e tij te mbajtur ne kete takim, Meta tha se Levizja Socialiste per Integrim, duke ndjere me pergjegjesi maksimale kete moment te rendesishem ku ndodhet vendi, eshte e angazhuar me te gjitha kapacitete e saj dhe perfaqesuesit e saj, pikerisht per tu investuar teresisht per suksesin e ketij procesi historik per vendin dhe qytetaret shqiptare. "Ashtu sikurse kemi treguar dhe po tregojme cdo dite se jemi force e re politike me nje angazhim te perhershem per te mbyllur hendekun dhe konfliktualitetin politik per te sjelle nje etik te re ne diskursin politik ne vend, sepse eshte dhe nje kontribut per modelin qe politika ka per detyre ti paraqes rinise", u shpreh lideri i LSI. Sipas tij, ashtu sikurse kane bere deri tani do vazhdojne te ofrojne dhe t'u qendrojme atyre vlerave te rendesishme dhe teper te domosdoshme per evropianizimin e metejshem te vendit, politikes dhe te shoqerise shqiptare. Ai tha se sfidat e tyre te se ardhmes si force ne qeverisje jane te shumta, por ne radhe te pare ato jane vet sfidat e zhvillimit te vendit. "Jane sfidat qe kane te bejne me realizmin e reformave qe kerkon integrimi, qe kane te bejne me garantimin e premtimeve qe tashme jane pjese e programit qeverises, sidomos te atyre qe kane te bejne me permiresimin e sherbimeve ne arsim dhe shendetesi", theksoi zevendeskryeministri dhe ministri i Puneve te Jashtme, Ilir Meta. Lidhur me ceshtjen e integrimit, kreu i LSI tha se Levizja Rinore per Integrim do te filloje nje tur takimesh ne te gjithe vendin per te trajtuar me te rinjte ceshtjen e integrimit te vendit. "Me 26 prill do te organizohet nje takim i madh mes te gjithe te rinjte e kesaj partie. Ky takim i madh do te jete nje tubim per integrimin e vendit", beri te ditur lideri i Levizjes Socialiste per Integrim. Duke u ndalur ne rolin qe ka LSI ne skenen politike dhe qeverisjen e vendit, kreu i kesaj partie shprehu bindjen se zgjedhjet lokale do te jene nje fitore per LSI-ne. "Jemi gati per fitoren e zgjedhjeve lokale", theksoi Meta. Takimi i Levizjes Rinore per Integrim do te organizohet ne Pallatin e Kongreseve, ku parashikohet qe ne kete takim te marrin pjese mijera te rinj. D.D