"Socialistet, ne Kuvend vetem per transparencen e zgjedhjeve"

Partia Socialiste riperseriti dje qendrimin e saj, duke theksuar se do te jene ne Kuvend vetem per transparencen e zgjedhjeve parlamentare te 28 qershorit. Qendrimi u be i ditur nga deputeti i kesaj partie, Taulant Balla, i cili theksoi se nuk mund te kete nje Parlament normal qe nuk ushtron dot te drejten e vet kushtetuese per transparence. Sipas tij, nuk mund te kete nje parlament normal, kur pushteti ekzekutiv ushtron presion mbi legjislativin, jo vetem duke i cenuar pavaresine, por mbi te gjitha duke e detyruar ate te shkele hapur dhe ne menyre flagrante ligjet, rregullat dhe Kushtetuten. "Per aq kohe sa Parlamenti nuk do te ushtroje dot te drejten e vet kushtetuese, per te bere transparencen e plote te zgjedhjeve permes nje komisioni hetimor parlamentar te mirefillte e jo si ajo farsa e gatuar nga Sali Ruzhdie Topalli me 19 mars, grupi kuvendor socialist do te jete ne parlament vetem per nje qellim: berjen e transparences", tha Balla.
AXHENDA
Burime nga Partia Socialiste bejne te ditur per "Koha Jone", se axhenda e zhvillimit te protestave ne te gjithe Shqiperine pritet te vendoset diten e sotme nga zyrtaret e larte socialist dhe organizatoret e partise me te madhe ne opozite.