Meta ne Fier, akuza ndaj PD-PS groposjen e arsenikut

Pervijon me tej percarja mes PS dhe LSI. Keshtu, gjate dites se djeshme, LRI mblodhi mijera qytetare fierake ne nje proteste kunder groposjes se 2 mije tone arsenik ne azotikun e Fierit. Ne kete menyre, marre shkas nga kjo situate, drejtuesit e LSI-se ngriten pretendimin se nje vendimmarrje e tille, per groposjen e kesaj sasie arseniku eshte nje marreveshje PD-PS. Kryetari i LSI-se, Ilir Meta, gjate fjales se tij perpara protestuesve, vuri ne dukje se "bashkohemi me ju, per t'i thene ndal nje projekti krejtesisht jo transparent dhe teper te rrezikshem per qytetin e Fierit, sikurse eshte depozitimi i 2 mije tone arsenik, pikerisht ne azotikun e Fierit, jo me larg se 1 km nga qendra e ketij qyteti". Nderkohe, kryetari i LSI pergezoi banoret per kete sensibilizim te marre per Qeverine, per pushtetin vendor dhe sidomos per komunitetin. Por, duke hequr nje paralele mes tragjedise se 15 marsit ne Gerdec dhe vendimit per groposjen e arsenikut ne kete qytet, Meta vleresoi se "kjo ndodh vetem pak jave pas nje tragjedie tjeter, vetem pak kilometra larg kryeqytetit, pra pikerisht ne Gerdec. Prandaj ne, sot, i themi Sali Berishes dhe pushtetareve vendore, qe Fieri ka nevoje per me shume peme dhe jo per plehra kimike, qe rrezikon te na sjelle nje Gerdec te ri, pikerisht ne zemer te Myzeqese". Nderkaq, duke folur perpara qytetareve fierake, nenkryetari i LSI, deputeti Dritan Prifti, u shpreh se "fieraket kerkojne te hiqet dore nga ky projekt i iniciuar nga ministri Xhuveli, i cili ka dhene lejen per te groposur rreth 2 mije tone lende helmuese, shumica arsenik qe eshte projektuar, per t'u groposur ne kete zone. Madje, eshte dhene leja e ndertimit, leja e mjedisit qe ai te groposet jo me shume se 1 km larg Fierit".

O.Xhilaga