Meta në Malin e Zi takoi edhe krerët e partive shqiptare

Në ditën e tij të dytë të vizitës,Meta është pritur në një takim të veçantë nga kreu i komunës së Ulqinit, Gëzim Hajdinaku, takim gjatë të cilit numri dy i qeverisë shqiptare është njohur me shqetësimet e përfaqsuesve shqiptar në Mal të Zi. Të dy ranë dakort për lëvizjen e lirë mes dy vendeve në pikën kufitare vetëm me letërnjofim. Gjatë këtyre takimeve, u diskutua rreth projekteve që do të ndihmojnë në thellimin e shkëmbimit tregtar dhe bashkëpunimit ekonomik në të dy anët e kufirit. Z. Meta, theksoi rëndësinë e rrugës Lezhë-Velipojë-Ulqin duke veçuar ndërtimin e Urës mbi Lumin Bunë, si dhe të rrugës Pllavë-Podgoricë. Kryetari i Komunës së Ulqinit z. Hajdinaga dhe përfaqësuesit e tjerë shqiptarë, nënvizuan dëshirën e tyre për përmirësimin e infrastrukturës rrugore dhe lehtësimin e të gjitha proçedurave në pikat e kalimit ndërkufitar.
Kështu ai ka pritur në takim përfaqësuesit e të gjithë subjekteve politike në këtë vend. Kështu, gjatë një takimi që z.Meta ka pasur me Mehmet Bardhin, kreu i Lidhjes Demokratike, Ferhat Dinosha kreut i Unionit Demokratik të Shqiptarëve, Gjergj Camaj, kreu i Alternativës Shqiptare, dhe me Nazip Cungun Forcën e Re Demokratike, kryefjalë e diskutimeve ka qenë pikërisht komuniteti shqiptar në këtë vend. Integrimi i shqiptarëve në pushtetin vendor dhe qëndror, të drejtat kushteteuse dhe ndërkombëtare të nënshkruara nga ky vend për komunitetit kanë zënë pjesën kryesore të diskutimeve në këto takime.