Meta në Selanik: Reforma zgjedhore të ofrojë garanci edhe për emigrantët
SELANIK - Kreu i LSI, Ilir Meta pranoi se politika dhe politikanët shqiptarë, janë fajtorët për vonesat në marrjen e statusit kandidat të vendit tonë. Sipas tij “në Shqipëri ekziston një klimë politike jo e shëndetshme, mosbesuese dhe konfliktuale”, ndaj misioni i LSI është “detoksikimi i kësaj klime politike”. Një deklaratë të tillë ai e ka bërë në qytetin e Selanikut në Greqi, gjatë Konferencës Zgjedhore të LSI-së.
“Shqipëria dhe shqiptarët e meritojnë statusin e vendit kandidat, dhe shpresoj që edhe klasa politike ta meritojë. LSI do të bëjë gjithçka që reformat të përshpejtohen dhe të njihen të gjitha të drejtat për emigrantët kudo ku ata jetojnë”, tha Meta. Sipas tij, për shkak të imazhit të keq që i kanë veshur Shqipërisë politikanët e saj, emigrantët vuajnë në vendet ku jetojnë, por sërish ia kanë dalë në sajë të dinjitetit, punës dhe sakrificave të tyre.
Ai siguroi se qëllimi kryesor i LSI është t’iu ofrojë gjithë shqiptarëve një politike ndryshe, t’iu ofrojë besim, përkushtim dhe profesionalizëm në politikë dhe qeverisje”.
Më tej, Meta pohoi se muajt e fundit po vihet re një përmirësim i vogël i klimës politike, me miratimin e disa ligjeve të rëndësishme, me punën për reformën zgjedhore që duhet të kurorëzohet me zgjedhjen e presidentit, sepse sipas tij, cështjet e mëdha dhe reformat duan mirëkuptim dhe bashkëpunim.
Duke iu referuar reformës zgjedhore ai përsëriti nevojën që ky proces, të mbyllet sa më shpejt. Meta theksoi se qëllimi kryesor është barazia e votës për qytetarët shqiptarë dhe garantimi i ushtrimit të kësaj të drejte kushtetuese edhe për emigrantët, që ata të votojnë, kudo ku që ndodhen.
Kreu i LSI ngriti lart rolin e migrantëve në forcimin e marrëdhënieve Shqipëri-Greqi, duke kërkuar që të mbrohen ato, nga kushdo që synon t’I helmojë për interesa të castit. “Të jemi të bashkuar si LSI dhe si shqiptarë, të forcojmë lidhjet me vendin”, iu drejtua Meta emigrantëve.
Një javë para zgjedhjeve parlamentare në Greqi, kreu i LSI përshëndeti dhe uroi fitoren për socialistët e PASOK nën drejtimin e Evangelos Venizelos.
Konferenca Zgjedhore e LSI-së u përshëndet dhe nga Kryetari i Bashkisë së Selanikut, Janis Butaris, i cili e vlerësoi liderin e LSI-së për kontributin e tij për forcimin e marrëdhënieve të mira rajonale dhe të fqinjësisë së mirë mes vendeve të Ballkanit Perëndimor. Duke i konsideruar vëllezër shqiptarët që jetojnë në Selanik, ai ka vlerësuar këtë komunitet dhe ka falenderuar ata për kontributin e madh që ata kanë dhënë dhe vazhdojnë të japin në kapërcimin e krizës ekonomike që po kalon Greqia.
(Në linkun më poshtë, shihni fotot nga veprimtaria)
(el.me/BalkanWeb)
Lidhje te tjera FOTO: Meta Selanik, per konferencen zgjedhore te deges
“Shqipëria dhe shqiptarët e meritojnë statusin e vendit kandidat, dhe shpresoj që edhe klasa politike ta meritojë. LSI do të bëjë gjithçka që reformat të përshpejtohen dhe të njihen të gjitha të drejtat për emigrantët kudo ku ata jetojnë”, tha Meta. Sipas tij, për shkak të imazhit të keq që i kanë veshur Shqipërisë politikanët e saj, emigrantët vuajnë në vendet ku jetojnë, por sërish ia kanë dalë në sajë të dinjitetit, punës dhe sakrificave të tyre.
Ai siguroi se qëllimi kryesor i LSI është t’iu ofrojë gjithë shqiptarëve një politike ndryshe, t’iu ofrojë besim, përkushtim dhe profesionalizëm në politikë dhe qeverisje”.
Më tej, Meta pohoi se muajt e fundit po vihet re një përmirësim i vogël i klimës politike, me miratimin e disa ligjeve të rëndësishme, me punën për reformën zgjedhore që duhet të kurorëzohet me zgjedhjen e presidentit, sepse sipas tij, cështjet e mëdha dhe reformat duan mirëkuptim dhe bashkëpunim.
Duke iu referuar reformës zgjedhore ai përsëriti nevojën që ky proces, të mbyllet sa më shpejt. Meta theksoi se qëllimi kryesor është barazia e votës për qytetarët shqiptarë dhe garantimi i ushtrimit të kësaj të drejte kushtetuese edhe për emigrantët, që ata të votojnë, kudo ku që ndodhen.
Kreu i LSI ngriti lart rolin e migrantëve në forcimin e marrëdhënieve Shqipëri-Greqi, duke kërkuar që të mbrohen ato, nga kushdo që synon t’I helmojë për interesa të castit. “Të jemi të bashkuar si LSI dhe si shqiptarë, të forcojmë lidhjet me vendin”, iu drejtua Meta emigrantëve.
Një javë para zgjedhjeve parlamentare në Greqi, kreu i LSI përshëndeti dhe uroi fitoren për socialistët e PASOK nën drejtimin e Evangelos Venizelos.
Konferenca Zgjedhore e LSI-së u përshëndet dhe nga Kryetari i Bashkisë së Selanikut, Janis Butaris, i cili e vlerësoi liderin e LSI-së për kontributin e tij për forcimin e marrëdhënieve të mira rajonale dhe të fqinjësisë së mirë mes vendeve të Ballkanit Perëndimor. Duke i konsideruar vëllezër shqiptarët që jetojnë në Selanik, ai ka vlerësuar këtë komunitet dhe ka falenderuar ata për kontributin e madh që ata kanë dhënë dhe vazhdojnë të japin në kapërcimin e krizës ekonomike që po kalon Greqia.
(Në linkun më poshtë, shihni fotot nga veprimtaria)
(el.me/BalkanWeb)
Lidhje te tjera FOTO: Meta Selanik, per konferencen zgjedhore te deges