Meta prezanton 3 kandidate dhe hap fushaten ne Elbasan
Kreu i LSI Ilir Meta ka zhvilluar nje miting ne Pallatin e Sportit "Tomorr Sinani", ku ka prezantuar, vec te tjerash edhe 3 kandidate per deputete per Elbasanin. Pjerin Xhuvani, kryetar i LSI Elbasan, Bujar Kllogjeri, kryetar i Qarkut dhe Rexhep Bici kane qene tre emrat e rinj qe do t'i shtohen listes se LSI per Elbasanin. Meta eshte ndalur kryesisht tek kartat e identitetit dhe integrimi i Shqiperise, ne NATO. Ai e ka quajtur procesin e shperndarjes se kartave, te deshtuar, por gjithashtu nje sukses hyrjen e Shqiperise ne NATO. Meta tha se LSI do te mbeshtese shtresat ne nevoje, si pensionistet dhe do te jete pro punesimit ne sektore te ndryshem, per te cilin ka hartuar nje platforme te plote dhe te realizueshme. "Jam ketu per te shprehur vleresimin per te gjithe drejtuesit dhe strukturat ne qarkun e Elbasanit. Rreziku per mospajisjen me karta te dhjetera mijerave shqiptareve, eshte evident. Te gjitha keto, nuk jane probleme te reja, por qe cenojne zhvillimin e zgjedhjeve te lira e te ndershme. Koha tregoi se shqetesimet tona jane plotesisht te drejta. Koha tregoi se ata qe u mburren se do te benin reformat e medha, sot kane po aq pergjegjes per Kodin qe bene me Berishen, kunder standardeve per zgjedhjet e 28 qershorit", tha Meta. LSI, shtoi ai, fton te gjitha forcat politike, ne radhe te pare kryeministrin aktual Berisha dhe ne largim, te mos preke zgjedhjet e 28 qershorit sepse ne nuk do ta lejojme. Ai e ka bere nje here kete veprim ne vitet me tragjike '96-'97. Shqiperia, sipas Metes, sot eshte anetare e NATO-s dhe ka detyre te garantoje zgjedhje te lira te ndershme. F.Salliu