Milan-Cassano debutimi ne Dubai

Karriera e Cassano-s me fanellën e Milanit do të nisë në datën 2 janar, kur klubi të jetë duke zhvilluar fazën përgatitore në Dubai. Lajmin e bënë të ditur mediat italiane ditën e sotme.

Zyrtarizimi i kalimit të barezit në “San Siro” nuk është bërë ende, por nuk ka dyshime që kjo do të ndodhë së shpejti. Mbetet ende pengesa e pesë milion eurove që i duhen paguar Real Madrid-it, por raportet e mira të madrilenëve me klubin e Berlusconi-t favorizojnë një zgjidhje të shpejtë.

Mediat bëjnë të sigurt se Cassano do të ngjitet në avion me shokët e tij të rinj të skuadrës në nisjen e datës 27 dhjetor, për të zbritur për herë të parë në fushë me fanellën e re menjëherë pas Vitit të Ri.

Megjithatë, ndryshe nga sa ishte besuar më parë, mbërritja e sulmuesit nuk do të provokojë largimin e Ronaldinho-s, pjesërisht sepse 29-vjeçari ka luajtur më parë në Champions me Sampdorian dhe sipas rregullave, nuk mund të luajë me një klub të dytë brenda sezonit.

Një arsye e dytë, është edhe mungesa e ofertave serioze për brazilianin. Asnjë klub nga SHBA nuk ka shprehur kurrfarë interesi deri tani, ndërsa Gremio dhe Palmeiras në Brazil nuk duken të gatshëm të bëjnë një sakrificë ekonomike.