Miliarderi indian kerkon klubin e Everton

Futbolli britanik duket se po merr perdite e me shume ngjyra nderkombetare. Sporti qe dikur quhej krenaria e vendit, tashme eshte ne duart e disa prej manjateve me te pasur te botes, por duket se “rrjedhjet” nga radhet e britanikeve nuk kane perfunduar.

Qyteti i Liverpool rrezikon te mos i besoje me investitoreve vendas, pasi edhe Everton po kerkohet nga nje milioner me origjine indiane. Sipas tabloidit “Daily Mirror”, manjati Anil Ambani, njeriu i gjashte me i pasur ne bote, kerkon te bleje paketen e plote te shoqerise “blu”. Pasuria e biznesmenit indian arrin deri ne 27 miliarde euro, shifer kjo e cila do te trembte edhe bosin e Manchester City.

Skuadra tjeter e qytetit, Liverpool, eshte ne duart e dy amerikaneve, ndersa emra te tjere te medhenj te futbollit anglez si Chelsea, Manchester United e Manchester City, tashme kane rene ne duart e pronareve te huaj. Aktualisht, Everton qe drejtohet nga David Moyes, renditet ne vendin e 14-te ne Premier League me 6 pike ne 7 ndeshje te luajtura.