Minarolli: Ratifikimi i MSA, brenda javes

Ambasadori i Shqiperise ne Greqi deklaroi dje se Marreveshja e Stabilizim-Asocimit mes Shqiperise dhe Komisionit Evropian pritet te miratohet dhe te ratifikohet brenda kesaj jave nga parlamenti grek. Sipas Minarollit, mos ratifikimi deri ne keto momente nuk mund te konsiderohet si nje problem, sepse ka pasur si shkak kryesor arsye teknike te vete qeverise greke. "MSA eshte ne Parlament, pritet te miratohet dhe te ratifikohet kete jave. Nuk ka asnje problem. Pati nje vonese teknike per shkak te nderrimit te dy ministrave te kabinet, qe duhet te ndryshonin", deklaroi Minarolli ne lidhje me vonesat e ardhura ne ratifikimin e MSA-se nga ana e parlamentit grek. Nga ana tjeter ambasadori yne ne Greqi, Vili Minarolli u shpreh optimist edhe per ratifikimin nga ana e Greqise e protokollit te Shqiperise per ne NATO. Sipas tij, Greqia ka qene ne rresht si nje nga vendet strategjike per integrimin tone ne strukturen atlantike dhe Bashkimin Evropian.

"Greqia eshte vend anetar i Bashkimit Evropian dhe anetar i aleances euro-atlantike dhe per kete ajo do te jete bashke me vendet e tjera. Do ta kemi firmen, ratifikimin dhe mirekuptimin pa asnje dyshim", deklaroi Vili Minarolli, per sa i perket edhe ratifikimit te Protokollit te anetaresimit ne NATO, nga ana e Greqise. Opozita socialiste me se nje here e ka akuzuar qeverise per nje diplomaci te dobet, e reflektuar kjo ne mos nenshkrimin e MSA dhe te anetaresimit ne NATO nga ana e qeverise Greke. F.M