Minatoret, mosha e daljes ne pension ulet pese vjet
Minatoret e kane fituar te drejten ligjore, per te perfituar pension me shpejt se kategorite e tjera te punonjesve. Komisioni Parlamentar i Ekonomise e ka miratuar dje projektligjin per uljen e moshes se pensionit si dhe viteve te punes per punonjesit e nentokes. Sipas ketij projekti te qeverise, mosha e daljes se minatoreve ne pension do te ulet me pese vjet. Punonjesit e nentokes do te mund te perfitojne pensionin, sapo te mbushin moshen 60 vjecare, nderkohe qe deri me tani, ketyre te fundit ju njihej e drejta e perfitimit te tij vetem pasi te kishin mbushur 65 vjec. Por deputeti i Komisionit te Ekonomise, Sherefedin Shehu e ka kundershtuar kete nisme te qeverise, duke u shprehur se nuk mund te merren iniciativa te vecanta per pensionet, para nje reforme me te madhe ne te kete drejtim. Sipas tij kjo nisme ne favor te minatoreve, shkon kunder asaj qe synon reforma per moshen e pensioneve. Gjithashtu, ne baze te ketij p/ligji ulen me 5 vjet edhe vitet e punes per te perfituar pension. Keshtu nga 35 vite qe eshte aktualisht me ligj, per perfitimin e pensionit duhet te kesh 30 vite pune, nga te cilat 15 ne nentoke. Efektet financiare nga zbatimi i ketij /p/ligji ne buxhet, llogariten 25 milione leke ne muaj ose 300 milione leke ne vit. Prej muajsh minatore nga i gjithe vendi kane kerkuar uljen e moshes se daljes ne pension, dhenien e statusit te minatorit dhe permiresimin e kushteve te punes neper galeri. Lehtesim per minatoret dhe permiresim te kushteve te tyre, kerkon edhe LSI. Ne programin elektoral te paraqitur, kjo force politike e cila qeveris ne koalicion kerkon permiresimin e kushteve te minatoreve si dhe rritjen e pensioneve te tyre. Nje ceshtje kjo qe duket se u realizua menjehere nga kryeministri Sali Berisha. Se shpejti pensionet ne vendin tone do te funksionojne sipas nje skeme te re. Sipas funksionimit te kesaj skeme, sistemi i pensioneve do te ndahet ne tre kolona, e para eshte skema e kontributeve te detyrueshme- pensione te caktuara. E dyta eshte ajo e kontributeve te detyrueshme qe administrohet nga skemat e pensioneve private. Ndersa e treta eshte skema e pensioneve private, qe financohet nga kontributet vullnetare. Megjithese, skema aktuale e sigurimeve shoqerore eshte e sigurt, pasi ajo mbeshtetet nga shteti, eshte menduar si domosdoshmeri reformimi i saj. Ne kuader te pergatitjes se reformes se pensioneve, eshte ngritur nje grup teknik pune ndersektorial, ne perberje te te cilit jane edhe eksperte te te gjitha partive politike. Kjo edhe per faktin qe reformat ne fushen e pensioneve zgjatin me shume se nje apo dy mandate qeverisese. Zakonisht, keto reforma zgjasin nga 15 deri ne 35 vjet. Nga ana e grupit teknik, do te propozohen disa variante reformash me te gjitha kostot perkatese. Sipas eksperteve skema e re, do t'u ofroje perfituesve te saj dy masa pensioni, cka do te thote perfitime te medha.