Ministra në ankand...

Dhe ditët e trishta

Kanë ca variante

Sa të jetë Berisha

E të shpallë ankande.

“Do t’i shes Ministrat

Si kuajt në grazhd...”

Pak a shumë kështu

E tha në Librazhd.

Ishte kjo shaka

nuk shprehte inatin

saktësisht çfarë tha

dëgjoni citatin:

“Do bëjmë investime

Dhe po s’patëm lekë

Vetë ministrin Bode

Do të nxjerr në treg…

...Do e shes ministrin

Mall me pakicë

Si dash e ka majmur

Partia me sisë…”.

Zgërdhihet Saliu

Bën shaka shejtani

Dhe me bisht të syrit

Shikon nga Ridvani.

Habitet dhe Bode:

“Ç’llomotit Saliu

Kjo shaka idiote

Vallë, nga i mbiu?!

Po gërricet me vete

Ndjerë në siklet:

“Po qe për të shitur

Pse nuk shitet vetë?!”.

Të shitet Saliu?

Ndofta nuk ja vlen

Dhe me çmime gabi

Zor se kush e blen.

Askush nuk e blen

se s’ka leverdi

që të blejë belanë

ta çojë në shtëpi.

Këta bëjnë pallë

Ne në varfëri

Këta as për vrasje

S’japin llogari.

Nuk kemi më lekë

As për një bythë pule

Shkoi treqind lekë

Një kile fasule.

Kot e vrasim trurin

E shet a e jep

Le të bëjë ç’të dijë

S’na hyn gjë në xhep.

Do ishte me vlerë

Një mendim pakice

T’i shesë gjithë ministrat

me çmime shumice.