Ministrat e jashtëm të BE-së do të diskutojnë të hënën edhe për Kosovën

Bruksel - Ministrat e jashtë të Bashkimit Evropian në mbledhjen e e radhës, ditën e hënë, do të diskutojnë edhe për Kosovën. Ministrat pritet të theksojnë në këtë takim gatishmërinë e BE-së për të kontribuar në progresin ekonomik dhe politik në Kosovë.

Në dokumentin e përgatitur të shefave të diplomacisë së BE-së theksohet së në Kosovë, ndonëse ka pasur progres në disa fusha, siç është miratimi i shumë ligjeve, është me rëndësi të fuqizohen institucionet e shtetit juridik, mbrojtja e minoritetit serb dhe e minoriteteve të tjera, si dhe të forcohet beteja kundër korrupsionit dhe krimit të organizuar.