Ministrat e rinj te henen votimi
Kalendari i punimeve ka parashikuar qe diten e hene ne oren 5 pasdite te nise me nje seance plenare ku ne rend te dites te kene miratimin e Aktit Normativ per disa ndryshime ne buxhetin e vitit 2010. Konferenca e Kryetareve vendosi 1 jave me pare qe seanca te mbahet diten e hene duke pasuri si qellim votimin e Aktit Normativ te ndryshimeve ne buxhetin e vitit 2010. Opozita e kundershtoi kete program per diten e hene duke kerkuar me shume kohe per diskutimin e ketyre ndryshimeve ne buxhet. Por me publikimin e videos se regjistruar ish-ministri Dritan Prifti qe coi ne doreheqjen e e zv.kryeministrit seanca e dites se hene ka ardhur si me kerkese te vete opozites. Ndonese kalendari nuk parashikon ore te lire per debat opozita do te vijoje akuzat e saj. Nga ana tjeter pritet qe ne kete seance te miratohen edhe ndryshime ne qeveri duke emeruar Edmond Haxhinaston zv.kryeminister e minister te Jashtem si dhe Nasip Nacon si minister te Ekonomise Tregtise e Energjetikes. Ne te njejten kohe pritet qe edhe deputeti Vangjel Tavo te konfirmohet si nenkryetari i Kuvendit ne vend te Nasip Nacos. Kryeministri Sali Berisha ka firmosur ndryshimet ne qeverine e tij pas doreheqjes te parevokueshme te Ilir Metes por ende nuk ka nje konfirmim nga Presidenca per dekretimin e ketyre ndryshimeve. Kreu i Shtetit ka 7 dite kohe qe te dekretoje ndryshimet. Pritet qe te henen paradite Presidenti te hedhe firmen e tij mbi ndryshime ne kabinetin qeveritar. Dita e pare e punes se Kuvendit do te kete miratimin e kalendarit dhe programit te punes per dy muajt e ardhshem si dhe ndryshimet ne buxhetin e vitit te kaluar per rialokimin e me se 50 milione dollareve. Seanca parlamentare pritej diten e enjte por Konferenca e Kryetareve vendosi qe seanca te behet diten e hene me qellimin e miratimit sa me shpejt te Aktit Normativ per buxhetin. Seanca e dites se hene duket se do te nise me debatin mbi aktualitetin politik. Doreheqja e zv.kryeministrit duket se ka lene ne hije kerkesat e opozites per hetimin e zgjedhjeve ne nje kohe qe tashme ka nisur edhe hapja e kutive e djegia e fleteve te votimit. Ne forumet e Partise Socialiste eshte vendosur nje marredhenie e kushtezuar me Kuvendin duke vijuar te njejtin pozicion te opozites ne Kuvend duke qendruar ne seanca per debat pro pa votuar per projektligjet. Me hapjen e Kuvendit pritet te rihapet serish debati per hetimin e zgjedhjeve te kaluara dhe kerkesen e opozites per ngritjen e komisionit hetimor parlamentar.