Ministri i Jashtëm i Vatikanit takime në Tiranë
Si parin e takimeve, Mamberti e ka nisur me ministrin e Jashtëm Edmond Haxhinasto, ku është diskutuar për marrëdhëniet midis vendeve.
Haxhinasto vuri në dukje marrëveshjet e nënshkruara në disa fusha si në shëndetësi, turizëm dhe në fushën e arkivave. Kjo e fundit sipas ministrit, krijon mundësinë për të gjetur thesare të panjohura më parë në arkivat e pasuritë e Vatikanit.
Zv/kryeministri bëri të ditur se, gjatë takimit u bisedua edhe për mundësinë që tani është koha që të ketë edhe Kardinal Shqiptar në Vatikan. Ndërkohë, ministri i Jashtëm i Vatikanit, ka zhvilluar edhe një takim me kryeministrin Sali Berisha.
Gjatë takimit, Mamberti vlerësoi se dialogu dhe bashkëpunimi midis komuniteteve ka një rëndësi jetike për të gjithë rajonin si një pjesë e pandarë e Evropës. Sekretari për marrëdhëniet me shtetet në Vatikan, Imzot Mamberti vlerësoi se procesi i integrimit evropian është një zgjidhje së pari për stabilitetin në rajonin e Ballkanit dhe se promovimi i paqes, stabilitetit dhe marrëdhënieve të mira midis komuniteteve është në të mirën e të gjithë vendeve të rajonit por edhe të BE.
Në takimin në presidencë, Presidenti Bamir Topi, vlerësoi marrëdhëniet shumë të mira të Shqipërisë me Shtetin e Vatikanit, si dhe shprehu mirënjohjen për rolin e rëndësishëm e të vazhdueshëm të Selisë së Shenjtë në konsolidimin e demokracisë e të institucioneve shqiptare si dhe bashkëjetesës e harmonisë fetare në vendin tonë.
Edhe gjatë takimit me kryeparlamentaren Jozefina Topalli janë theksuar marrëdhëniet e mira dy vendeve. Kryetarja e Kuvendit tha se kjo vizitë është një tregues i nivelit shumë të mirë dhe të konsoliduar të bashkëpunimit me Selinë e Shenjtë, që këtë vit shënon plot 20 vjet nga vendosja e marrëdhënieve diplomatike. /Saimir Lleshi/Start/
2011-06-27 14:57
Haxhinasto vuri në dukje marrëveshjet e nënshkruara në disa fusha si në shëndetësi, turizëm dhe në fushën e arkivave. Kjo e fundit sipas ministrit, krijon mundësinë për të gjetur thesare të panjohura më parë në arkivat e pasuritë e Vatikanit.
Zv/kryeministri bëri të ditur se, gjatë takimit u bisedua edhe për mundësinë që tani është koha që të ketë edhe Kardinal Shqiptar në Vatikan. Ndërkohë, ministri i Jashtëm i Vatikanit, ka zhvilluar edhe një takim me kryeministrin Sali Berisha.
Gjatë takimit, Mamberti vlerësoi se dialogu dhe bashkëpunimi midis komuniteteve ka një rëndësi jetike për të gjithë rajonin si një pjesë e pandarë e Evropës. Sekretari për marrëdhëniet me shtetet në Vatikan, Imzot Mamberti vlerësoi se procesi i integrimit evropian është një zgjidhje së pari për stabilitetin në rajonin e Ballkanit dhe se promovimi i paqes, stabilitetit dhe marrëdhënieve të mira midis komuniteteve është në të mirën e të gjithë vendeve të rajonit por edhe të BE.
Në takimin në presidencë, Presidenti Bamir Topi, vlerësoi marrëdhëniet shumë të mira të Shqipërisë me Shtetin e Vatikanit, si dhe shprehu mirënjohjen për rolin e rëndësishëm e të vazhdueshëm të Selisë së Shenjtë në konsolidimin e demokracisë e të institucioneve shqiptare si dhe bashkëjetesës e harmonisë fetare në vendin tonë.
Edhe gjatë takimit me kryeparlamentaren Jozefina Topalli janë theksuar marrëdhëniet e mira dy vendeve. Kryetarja e Kuvendit tha se kjo vizitë është një tregues i nivelit shumë të mirë dhe të konsoliduar të bashkëpunimit me Selinë e Shenjtë, që këtë vit shënon plot 20 vjet nga vendosja e marrëdhënieve diplomatike. /Saimir Lleshi/Start/
2011-06-27 14:57