Ministri i Jashtëm i malazez paralajmëron njohjen e Kosovës

PODGORICË - Ministri i Jashtëm i Malit të Zi, Millan Roçen ka paralajmëruar tërthorazi se qeveria në Podgoricë së shpejti do ta njohë Kosovën. "Kosova e pavarur është realitet politik, dhe çfarëdo mendimi ligjor që të kemi, Mali i Zi nuk ka të drejtë t'i mbyllë sytë para këtij fakti", tha Roçen në mbledhjen e Parlamentit. Ai tha se nuk është reale të pritet që Gjykata Ndërkombëtare e Drejtësisë në Hagë do të marrë ndonjë vendim në favor të cilës do palë, ndërsa vendimet e kësaj gjykate nuk janë detyruese. Roçen shtoi se pavarësisht nga vendimi i gjykatës, është e drejtë sovrane e çdo shteti që të vendosë nëse do ta njohë pavarësinë e Kosovës.
(a.s/News24/Balkanweb)