Ministria e Brendshme: "PS-ja po frymezon antirendin"

Tirane- Ministria e Brendshme reagoi dje ashper ndaj akuzave te hedhura nga Partia Socialiste per mungesen e rendit ne vend dhe daljen e situates jashte kontrollit te policise ne ngjarjen e Himares, ku mbeti i vrare ne aksident 35-vjecari emigrant ne Greqi, Aristotel Guma. Nderkohe qe dje Drejtori i Pergjithshem i Policise se Shtetit, Hysni Burgaj ka qene ne Vlore me specialistet me te mire per dokumentimin e ngjarjes dhe shpalljen ne kerkim nderkombetar te Ilir Mukes. Nderkohe qe jane vene 20 mije dollare per cdo informacion qe jepet per vendndodhjen dhe kapjen e tij. Ne nje dalje publike, zedhenesi i MBPL-se, Fatmir Konja, denoi perpjekjen e selise roze per te perdorur politikisht ngjarjen kriminale te ndodhur para tre ditesh ne Himare dhe tendencat e frymezimi i qendrimeve antirend dhe antiligj.
"Edhe per kete ngjarje, lidershipi i Partise Socialiste nuk vonoi te vertetoje para opinionit publik se ne krye te axhendes se tij politike qendrojne interesa qe bien ndesh me interesat e qytetareve dhe godasin drejtperdrejt imazhin e vendit", thuhet ne deklaraten e Ministrise se Brendshme, te bere publike per opinionin. Ne nje dalje te disa oreve me pare, selia roze akuzoi policine se kishte dale situata jashte kontrollit dhe po keshtu mos angazhimin e Ministrise se Brendshme pas ngjarjes se Himares. Ne lidhje me sigurine, dikasteri blu mohoi akuzat e opozites se majte.
"Ministria e Brendshme i ben thirrje Partise Socialiste te distancohet nga frymezimi i qendrimeve antirend dhe antiligj dhe te shprehe mbeshtetjen e nevojshme per punen dhe angazhimin profesional dhe ligjor te Policise se Shtetit", tha Konja.
Duke iu rikthyer ngjarjes te se enjtes ne mbremje, Ministria e Brendshme vleresoi punen e policise. "Vleresojme te gjithe angazhimin dhe perkushtimin e treguar nga Policia e Shtetit, per zbardhjen e shpejte te ngjarjes kriminale qe ndodhi para dy ditesh ne Himare dhe i jep mbeshtetjen e plote per te vene para drejtesise te gjithe autoret e perfshire ne kete ngjarje", perfundon deklarata e dikasterit.
Per aksidentin me pasoje vdekje u arrestuan shtate te dyshuar, banues ne Vlore dhe Tirane, kurse ne kerkim u shpall nje i tete, Ilir Muka, i cili akuzohet edhe si autori i aksidentit, pasi drejtonte autoveturen "Audi A3", e cila goditi motocikleten ku udhetonte viktima Aristotel Guma. Pasditen e se enjtes kishte pasur nje incident mes dy grupeve, himariote dhe vlonjate per motive etnike, por policia mohoi qe Guma te ishte pjese e grindjes dhe se aksidenti ka qene i rastesishem pas nje tjeter sherri banal. Policia ngriti akuzat e "vrasjes me dashje" dhe "fshehjes se krimit" pas protestave te banoreve.
A. Qoraj