Ministria e Financave zbardh shumat e parave qe kane marre grevistet Rozeta Rapushi

Ministria e Financave zbardhi dje te gjitha shifrat se sa para kane perfituar nga demshperblimi te gjithe ish te denuarit politike, te perfshire ne greve urie por edhe ne total kjo pjese e shoqerise. Ne emer te ketij institucioni, Sekretari i Pergjithshem, Dorjan Teliti, sqaroi se ne zbatim te ligjit per demshperblimin e ish te perndjekurve politike, te gjithe personat, perfshire edhe ata ne greve urie, kane marre nga kjo qeveri duke filluar nga janari i vitit 2009 deri me 30 shtator 2012, gjithsej dhe per nderprerje 5.6 miliarde leke ose 56 milione dollare. "Kesti i pare eshte shlyer per te gjithe ata qe sot te manipuluar politikisht jane ne greve urie. Ne informacion qe po japim, nuk perfshihen dhenia e banesave apo privatizimet qe kane perfituar qofshin keto ish-ndermarrje, hotele, magazine apo prona te tjera shteterore, per te cilat do t'ju informojme ne ditet ne vijim", - tha Teliti, duke deklaruar keshtu se perfitimet e tyre perfshijne nje rreth me te gjere. Duke hyre ne detaje, ai tha se "personi, te cilin e ndezen flake per qellime kriminale, Gjergj Ndreca me numer dosje 17709, ka marre kestin e pare te pageses ne shumen 291.750 leke te reja ose afersisht 3 mije dollare, nderkohe qe nga ligjet e meparshme, po te qeverise se djathte, ka perfituar 700 mije leke letra me vlere (7.000 dollare), te perdorura per privatizime te pronave publike", - vijoi Teliti. Duke marre me radhe personat, ish te denuar politike te perfshire ne greven e urise, Sekretari i Pergjithshem i Ministrise se Financave, tha se edhe Perikli Shqevi ka marre demshperblim nga shteti si ish i denuar politik. "Shqevi, i cili eshte zjarrvenesi qe i ndezi flaken shokut te tij Ndreca, i datelindjes 1957 me numer dosje 16.878, ka marre deri me sot 585.753 leke ose 5800 dollare, si dhe 1.129.973 letra me vlere (mbi 11.000 mije dollare)", - shtoi Teliti. Sipas tij, ne bashkepunim me perfaqesuesit dhe Shoqaten e te Perndjekurve Politike jane vendosur edhe prioritetet e pagesave per personat qe jane gjalle dhe mbi 65 vjec per te perfituar kestin e dyte, nderkohe qe shtoi se ne ditet ne vijim do te fillojne pagesat edhe per personat nen 65 vjec. "Ne total, te gjithe jane paguar per kestin e pare 8.350.245 leke (afersisht 83 mije dollare) dhe nga kesti i dyte kane perfituar deri me sot 2.734.466 leke (afersisht 28 mije dollare), por, sikurse ju thashe, eshte nje proces qe vazhdon pa nderprerje", - shtoi Teliti. Ai theksoi se te gjithe personat, te cilet kane hyre ne greve, kane perfituar deri me sot gjithashtu edhe 14.282.370 leke letra nga privatizimet ose afersisht 143 mije dollare. "Fondi i vene ne dispozicion deri me sot prej 65 milione dollaresh eshte nje proces i panderprere demshperblimi", - vijoi informimin Teliti.

Tarifa per demshperblimin e ish te denuarve politike, 18.6$ ne dite

Sekretari i Pergjithshem i Ministrise se Financave, Dorjan Teliti, ne reagimin e tij ndaj greves se urise se ish te denuarve politike dhe pershkallezimin e saj, tha se asnje qindarke nuk u eshte dhene atyre nga qeverite e meparshme socialiste. "Ky eshte nje demshperblim, i cili filloi gjate qeverisjes se djathte pas vitit 1992, u nderpre gjate qeverisjes socialiste dhe rifilloi dhe po kryhet perseri vetem nga kjo mazhorance. Vlera e demshperblimit te dhene nga kjo qeveri, eshte me e larta e dhene nga cdo vend tjeter ish-komunist ne bote", - tha Teliti. Sipas tij, tarifa per demshperblim e aplikuar nga qeveria shqiptare, eshte 18.6 dollare ne dite. "Ky eshte qendrimi i kesaj qeverie ndaj kesaj shtrese te perndjekurish, te cileve sigurisht kompensimi financiar nuk mund t'ju ktheje vitet e humbura, por rivendos drejtesine e munguar dhe eshte konfirmim i vemendjes se kesaj mazhorance ndaj kesaj shtrese", - u shpreh ai.