Ministria e Mbrojtjes, sekuestrohen filmimet

Tirane - Kasetat filmike te kamerave te Ministrine e Mbrojtjes jane sekuestruar nga ana e grupit hetimor qe po heton mbi tragjedine e Gerdecit. Levizjet e te gjithe personave, te cilet kane hyre dhe dale nga Ministria e Mbrojtjes do te kalojne ne “siten” e prokurorise. Sipas burimeve nga grupi hetimor, do te verifikohen te gjithe personat qe jane takuar me ish-ministrin e Mbrojtjes, Fatmir Mediu, para dhe pas nenshkrimit te kontrates per demontimin e armeve ne fabriken e Gerdecit. Vetem pak kohe me pare, Prokuroria e Pergjithshme kishte nxjerre urdher per sekuestrimin e te gjitha kasetave te kamerave qe jane te vendosura ne hapesirat e brendshme te ministrise. Burime nga Prokuroria e Pergjithshme kane bere te ditur se kasetat filmike te kamerave qe jane te vendosura ne kete ministri aktualisht ndodhen ne duart e organit te prokurorise. Sipas burimeve, nepermjet ketyre kasetave do te behet e mundur verifikimi i personave qe kane hyre gjate kesaj periudhe ne Ministrine e Mbrojtjes. Pikerisht ketu do te shikohen edhe datat, ora e hyrjes dhe takimet e kryera nga persona te ndryshme. Sipas burimeve nga Prokuroria e Pergjithshme mesohet se kasetat, te cilat jane ne duar te grupit hetimor, do te shihen me imtesi si dhe do te transkiptohen te gjitha bisedat e dyshimta, te cilat jane bere neper vendet ku jane vendosur kamerat. Sipas burimeve, takime e biseda jane kryer si ne korridore, por edhe ne paradhoma te kesaj ministrie, te cilat jane regjistruar nga kamerat. Grupi hetimor do te deshifroje te gjitha keto biseda per te pare edhe bisedat e tyre ne lidhje me fabriken e Gerdecit. Pikerisht do te shihen me imtesi te gjitha takimet qe ka kryer ish-ministri Mediu me perfaqesuesit e firmes “Sac-Albademil” qe nga viti 2006 kur u diskutua kerkesa per firmosjen e nje kontrate per demontim fishekesh te kalibrit te vogel e deri ne 15 mars dita e tragjedise. Grupi hetimor do te evidentojne te gjitha hyrjet e daljet e Patrik Henrry III, i cili ka hyre disa here ne kete ministri. Nderkohe qe do te shihen edhe levizjet e personave te tjere, te cilet mund te kene hyre ne kete ministri, te cilet mund te kene shoqeruar persona te ndryshem. Gjithashtu, burimet kane shtuar se do te shihen edhe takimet apo bisedimet e kryera nga ana e te pandehurit Ylli Pinari, i cili ishte perfaqesues i kompanise “Meico” dhe ka mundesuar takimet e para Patric Henrry III. Grupi hetimor ka ne duar te tij disa prova ne lidhje me tragjedine e Gerdecit. Dokumentet te cilat jane sekuestruar nga ne Ministrine e Mbrojtjes, dokumente te sekuestruara ne firmen “Meico”, dokumente te sekuestruara ne firmen “Albademil”, si dhe dokumente te sekuestruara ne fabrike te Gerdecit. Te gjitha keto dokumente se bashku me kasetat filmike jane konceptuar ne zbardhjen e te gjithe ngjarjes per tragjedine e Gerdecit. Nga ana tjeter, Prokuroria e Pergjithshme ka ne duar te saj si prova edhe deshmite e personave qe kane pasur dijeni ne lidhje me kete ngjarje. Deshmitaret e kesaj dosjeje jane jo vetem punetore e kesaj fabrike, por edhe banore te Gerdecit.

Shperthimi i fabrikes, jo akt terrorist

Grupi hetimor, i cili po heton tragjedine e Gerdecit, ka perjashtuar nga pistat e saj mundesine e venies se zjarrit nga jashte. Sipas hetimeve te kryera nga organi qendror i akuzes nuk eshte vertetuar asnjehere qe shperthimi ne fabriken e Gerdecit te kete qene i qellimshem. Ne kete menyre prokuroria ka perjashtuar si piste te saj aktin terrorist. Ende nuk eshte zbardhur shkaku se nga ka ardhur shperthimi i fabrikes se Gerdecit nje muaj me pare.