Ministria e financave: Vit i zymtë ekonomik

Gjermania ka
parashikuar që
rritja e saj ekonomike
do të pësojë ulje
gjatë këtij viti në
masën 2.25%. Kjo
mund të konsiderohet
edhe si situata
më e rëndë e ekonomisë
së vendit të
fuqishëm pas Luftës
së Dytë Botërore.
Parashikimi aktual
është shumë më i
ulët nga parashikimi
i mëparshëm, i bërë
në tetorin e kaluar, që
ishte 0.2%. Ekonomia
gjermane është
më e madhja në vendet
e Eurozonës, pavarësisht
se është
goditur shumë nga
kriza financiare. "Nuk
ka precedent të ngjashëm
në historinë e
pasluftës së vendit
tonë me situatën që
po kalon aktualisht
ekonomia jonë", ka
deklaruar dje ministri
i Ekonomisë, Majkëll
Glos. Ai parashikoi
se eksportet, një
faktor kyç në rritjen
ekonomike të vendit
gjatë viteve të fundit,
do të ulen këtë vit në
masën 8.9%. Ai tha
gjithashtu se papunësia
është rritur
ndjeshëm dhe se kjo
tendencë do të vazhdojë
edhe në të
ardhme. Këtë vit,
ekonomia gjermane
po përballet me sfidat
më të mëdha të
saj, që nga vitet e
shembjes së Murit të
Berlinit. Kriza e Gjermanisë
do të ndihet
edhe në vendet e saj
partnere, sepse
Gjermania është e
integruar në ekonominë
botërore si
asnjë ekonomi tjetër.