Minoritetet, KS kritikon Greqinë

Athinë - Greqia është vënë në qendër të kritikës së Thomas Hammarberg, Komisioner ky i Këshillit të Europës për të Drejtat e Njeriut. Gjatë vizitës që Hammarberg zhvilloi në AThinë, shprehu shqetësimin për të drejtat e minoriteteve në këtë vend. Ai theksoi se Greqisë i duhet të rrisë dhe të riforcojë përpjekjet për mbrojtjen e të drejtave të minoriteteve. Një shqetësim i rëndësishëm sipas tij, mbetet ushtrimi i ligjit islamik “sheriat” nga myftijtë të ngarkuar nga shteti grek për çështjet familjare dhe trashëgiminë e qytetareve greke myslimane të Thrakës. Hammarberg shtoi se Athina zyrtare duhet të jetë më korrekte ndaj të drejtave të minoritarëve.