Miratohet futja e 4 mijë tonë mbetjeve në Shqipëri

Qeveria në mbledhjen e radhës miratoi futjen e 4 mijë tonëve mbetje të tjera, që do të vijnë kryesisht nga Maqedonia dhe Kosova.

Mbetjet që do të importohen për qëllime riciklimi, janë polietilen dhe bëjnë pjesë te kategoria e listës së gjelbër.

Sasia e mbetjeve të polietilenit që importohet, sipas kodeve, është 4000 tonë/vit.

Mbetjet do të importohen nga shtetet e Maqedonisë, Kosovës dhe vendet e BE-së.

Ky vendim i tretë i qeverisë vjen pas  dy vendimeve të qeverisë të gati dy javëve më parë, që miratonin futjen në vendin tonë të 2600 tonë mbetjeve nga kompanitë e përpunimit./A.XH