Mitingu i 8 dhjetorit, Berisha përshëndet qytetarët, sulmon Ramën

Një ditë pas festimeve në kryeqytet Kryesministri Sali Berisha iu ka drejtuar një mesazh publik të gjithë qytetarëve, ku përtej mirënjohjes për pjesëmarrjen, lideri i maxhorancës Berisha ka përsëritur akuzat ndaj liderit të opozitës qoftë për lidhjet mafioze qoftë për jetën private.
Por në mesazhin drejtuar qytetarëve kryeministri Berisha është treguar i kujdesshëm të ndajë liderin Edi Rama nga mbështetësit e PS-së dhe opozita.
Festimet në sheshin "Skënderbej" për të përkujtuar ditën e 8 dhjetorit ishin ndër më të bujshmet të organizuara ndonjëherë nga maxhoranca dhe sipas tyre pjesë e kësaj feste u bënë rreth 500 mijë qytetarë.