Mitrovice, Komiteti i Sigurise kritikon UNMIK-un
MITROVICE - Komiteti i Sigurise per Mitrovicen kritikoi dje UNMIK-un, se nuk ka plotesuar premtimin per rifillimin e punimeve te ujesjellesit ne Suhadoll. Lidhur me kete, kryetari i Komunes se Mitrovices, Bajram Rexhepi, deklaroi se do te jete ne krye te banoreve shqiptare ne veri, nese dalin per t'i vazhduar punimet e ujesjellesit, qe u nderprene nga reagimet e dhunshme te serbeve te kesaj zone. "Projekti i ujesjellesit do te kryhet, me, ose pa UNMIK-un", theksoi Rexhepi. Ne mbledhjen e djeshme te Komitetit te Sigurise, zyrtaret e komunes se Mitrovices shprehen zhgenjim ndaj UNMIK-ut qe kishte premtuar se te merkuren do te fillonte puna per ujesjellesin Suhadoll-Vinarc, e nderprere para nje jave, kur banoret serbe sulmuan me gure punetoret qe po hapnin kanalin. "Ne, fillimisht, kerkuam qe te henen te rifilloje puna, por zyrtaret e UNMIK-ut zgjodhen te merkuren dhe ne u pajtuam me kete. Nderkohe, patem edhe nje takim me perfaqesuesin e UNMIK-ut ne veri dhe kuptuam se ata nuk jane ende gati qe te rifilloje puna", tha drejtori per Ekonomine dhe Zhvillimin ne kete komune, Rasim Veseli. Gjate takimit u tha se eshte e pajustifikueshme kerkesa e zyrtareve te UNMIK per projektin e detajuar te ujesjellesit, ne nje kohe kur ka mbetur pa u perfunduar vetem 5 per qind e projektit.