Mitrovicë, konsolidohet Kuvendi i përkohshëm

Pas Zyrës Administrative të themeluar në veri të Mitrovicë me vendim të Qeverisë këtë javë, tani do të pasojë edhe konsolidimi i një Kuvendi të Përkohshëm.
 

Kuvendit nuk do t`i jepet menjëherë i tillë emërtim, me synimin për të evituar refuzimin e serbëve të veriut të Mitrovicës për t`u përfaqësuar në të, të cilët vazhdojnë të mbajnë lidhje të forta me Serbinë dhe të mos njohin autoritetin e shtetit të Kosovës, shkruan koha.
Pararendës do ta ketë këshillin konsultativ. Dhe përgatitjet për të formuar të tillë organizëm kanë nisur.
 

Ministria e Administrimit të Pushtetit Lokal ka shpallur një konkurs për zyrtarë mbështetës të “Kuvendit të Përkohshëm”. Zyrtari do të ndihmojë udhëheqjen e Kuvendit në hartimin e dokumenteve dhe në çështje të tjera administrative që lidhen me rendin e ditës të propozuar për çdo seancë.
 

Po kështu ai do të ndihmojë në përgatitjen teknike, si dhe do të merret me punë administrative dhe me aspekte teknike e shërbime të tjera logjistike për seancat.