Mjedisi, plan per rehabilitimin e Patos-Marinzes

Ministria e Mjedisit sapo ka perfunduar nje plan per rehabilitimin e zones se Patos-Marinzes, e cila do te fillojne nga kompanite te cilat merren me nxjerrjen e naftes ne kete zone. Sipas planit keto firma duhet te vetmonitorojne veprimtarine e tyre, duke zbatuar parametrat mjedisore. Ministri Mediu, u shpreh se jane hartuar plane veprimi per rehabilitim e zones duke u ndihmuar dhe nga vete kompanite. “Me vendosmerine e qeverise, Ministrise se Mjedisit, Ministrise se Ekonomise, vendosem per te punuar me kompanite per rehabilitimin e zones se Patos- Marinzes per te rritur pa dyshim te gjitha mundesite ekonomike te kesaj zone. Dhe do vazhdojme te punojme per pastrimin e Patos-Marinzes, po njekohesisht te shikojme dhe mundesine e involvimit te aktoreve te tjere” tha Fatmir Mediu, minister i Mjedisit. Sipas tij, ne dy vitet e ardhshme do te financohen miliona dollare nga organizma nderkombetare, per mbrojtjen e mjedisit ne kete zone.