"Mjekët operuan gabim kolegun e plagosur"
Vazhdon të thellohet më tej hendeku në shëndetësinë shqiptare. Problemi i shërbimit mjekësor këtë herë ka në qendër një "mjek pacient". Shefi i Kardiokirurgjisë, Ali Refatllari, nuk ka marrë shërbimin e saktë shëndetësor nga kolegët e tij. Faktin e ka bërë publik kolegu i tij, Alfred Priftanji, njëkohësisht dekani i Fakultetit të Mjekësisë. Sipas Priftanjit, kolegu i tij pas agresionit të të afërmit të një pacienti nuk është operuar siç duhet nga kolegët e tij. Ende nuk dihet nëse bëhet fjalë për një gabim mjekësor, për një papërgjegjshmëri, apo për diçka të qëllimshme kundrejt mjekut Ali Refatllari. Një nga pistat e dyshimit mund të jetë gabimi mjekësor, ndërsa një tjetër mund t‘ia hedhë përgjegjësinë aftësisë së specialistëve, të cilët e kanë operuar. Më pas, profesor Ali Refatllari ka qenë në Francë për një trajtim më të specializuar. Kolegët francezë mund të kenë referuar gjendjen e saktë të tendinave të dorës së profesorit.
Ky gabim mund t‘i kushtojë shumë dr. Refatllarit, ndoshta edhe heqjen e të drejtës për të kryer ndërhyrje kirurgjikale në të ardhme. Shefi i kardiokirurgjisë njihet si një nga kirurgët më të mirë të zemrës, në mënyrë të veçantë të ndërhyrjes së njohur si "by pas". Edhe sipas statistikave, numri më i lartë i këtyre operacioneve, të cilat u shpëtojnë jetën pacientëve, kryhej nga Refatllari. Dje, në mbledhjen urgjente të Komisionit të Shëndetësisë, profesorët e Fakultetit të Mjekësisë njëkohësisht edhe struktura drejtuese të shërbimeve në spital kanë kërkuar përgjigje nga ministri i Shëndetësisë për sa i takon gjendjes skandaloze të spitaleve, mungesës së medikamenteve, reagjentëve, mungesës së aparaturave diagnostikuese. Një nga përfaqësueset e Komisionit të Shëndetësisë, Rajmonda Stefa, deklaroi se në këtë moment është shumë e rëndësishme të shikohet pjesa e kontrollit të klinikave shëndetësore. Sipas saj, është i nevojshëm edhe shqyrtimi i çështjes së medikamenteve, të cilat nuk mund të sillen nga secili qytetar që pretendon të jetë grosist. "Ilaçet nuk janë domate", tha Stefa. Një pjesë e stafit të profesoratit të Fakultetit të Mjekësisë i ka kërkuar "llogari" ministrit për të gjitha problemet dhe mënyrën se si funksionon sot shëndetësia. Kanë kërkuar më shumë investime në shëndetësi, ndërsa OJF-të apo institucionet e pavarura si Urdhri i Mjekëve kanë deklaruar se shëndetësia ka fonde, por nuk ka menaxhim dhe nuk dihet se ku dhe si bëhet shpërndarja e këtyre parave.
Nga ana tjetër, ministri i Shëndetësisë, Nard Ndoka, i vendosur para presioneve të partisë, por edhe të mjekësisë, është përgjigjur se në këtë moment shëndetësia ka nevojë për investime dhe për strategji.
Ky gabim mund t‘i kushtojë shumë dr. Refatllarit, ndoshta edhe heqjen e të drejtës për të kryer ndërhyrje kirurgjikale në të ardhme. Shefi i kardiokirurgjisë njihet si një nga kirurgët më të mirë të zemrës, në mënyrë të veçantë të ndërhyrjes së njohur si "by pas". Edhe sipas statistikave, numri më i lartë i këtyre operacioneve, të cilat u shpëtojnë jetën pacientëve, kryhej nga Refatllari. Dje, në mbledhjen urgjente të Komisionit të Shëndetësisë, profesorët e Fakultetit të Mjekësisë njëkohësisht edhe struktura drejtuese të shërbimeve në spital kanë kërkuar përgjigje nga ministri i Shëndetësisë për sa i takon gjendjes skandaloze të spitaleve, mungesës së medikamenteve, reagjentëve, mungesës së aparaturave diagnostikuese. Një nga përfaqësueset e Komisionit të Shëndetësisë, Rajmonda Stefa, deklaroi se në këtë moment është shumë e rëndësishme të shikohet pjesa e kontrollit të klinikave shëndetësore. Sipas saj, është i nevojshëm edhe shqyrtimi i çështjes së medikamenteve, të cilat nuk mund të sillen nga secili qytetar që pretendon të jetë grosist. "Ilaçet nuk janë domate", tha Stefa. Një pjesë e stafit të profesoratit të Fakultetit të Mjekësisë i ka kërkuar "llogari" ministrit për të gjitha problemet dhe mënyrën se si funksionon sot shëndetësia. Kanë kërkuar më shumë investime në shëndetësi, ndërsa OJF-të apo institucionet e pavarura si Urdhri i Mjekëve kanë deklaruar se shëndetësia ka fonde, por nuk ka menaxhim dhe nuk dihet se ku dhe si bëhet shpërndarja e këtyre parave.
Nga ana tjetër, ministri i Shëndetësisë, Nard Ndoka, i vendosur para presioneve të partisë, por edhe të mjekësisë, është përgjigjur se në këtë moment shëndetësia ka nevojë për investime dhe për strategji.