Momente me "Marta Capponi Quartet"

Këngëtarja italiane e muzikës jazz koncert në Tiranë

Marta Capponi këngëtare e muzikës jazz, pop dhe rrok që vjen nga Italia, është nga dje edhe sot në Tiranë. Bashkë me bandën e saj të quajtur "Marta Capponi Quartet", e përbërë nga Capponi vetë (vokal), Domenico Sanna (piano), Giuseppe Talone (bass)
dhe Emiliano Caroselli (bateri) prapë në orën 22:30 në REI jo vetëm Jazz Club, prezantohet për herë të parë me një rreth të vogël të publikut të jazzit në Shqipëri. Kjo është forma e koncerteve që Capponi ndjek edhe në vendin e saj, koncerte në "skena" club-esh, përveç festivaleve të jazz-it.
Marta Capponi Quartet ofron edhe krijime origjinale dhe arranxhime interesante edhe në interpretimin e repertorit standard të jazzit, popit dhe rrokut. Traditën e jazzit ajo e përcjellë me një zë të freskët, origjinal dhe energjik, si për shembull zërat e mëdhenj të së shkuarës, Ella Fitzgerald, Sarah Vaughan, Anita O'Day, të cilat kanë interpretuar kompozime të autorëve të shquar Cole Porter, George Gershëin apo Duke Ellington.
Marta Capponi është këngëtare e re por ka realizuar bashkëpunime të panumërta me muzikantë italianë dhe botërorë. Ka studiuar me Shaënn Monteiro, Maria Pia De Vito, Elisabetta Antonini etj. Ka në qarkullim CD "In the moment".