Morinë, ndalohet një person, kërkohej nga Interpoli gjerman

KUKES – Policia në pikën e kalimit kufitar të Morinës ndaloi një person, i cili rezulton i shpallur në kërkim ndërkombëtar. Burime nga policia bëjnë të ditur se shtetasi Mentor Hoti u ndalua, pasi në sistemin ‘Tims’ rezultonte i shpallur në kërkim në Gjermani.

Momentalisht nuk dihen motivet përse Hoti kërkohet nga drejtësia gjermane, ndërkohë që autoritetet po bëjnë verifikimet e nevojshme.

Mësohet se i ndaluari po udhëtonte në drejtim të Kosovës.

(er.nu/BalkanWeb)