Moska: Deklaratat e Biden-it , pozitive

Zëvendëskryeministri rus deklaroi sot se një ofertë e SHBA-së për të përmirësuar marrëdhëniet midis aleancës së NATO-s të drejtuar nga SHBA-ja dhe Rusisë ishte shumë pozitive. I pyetur nga gazetarët lidhur përgjigjen e tij ndaj fjalimit të Bidenit, zëvendëskryeministri rus, Sergei Ivanov deklaroi se ishte "shumë pozitive". Zëvendëspresidenti amerikan, Joe Biden e bëri këtë sugjerim në një fjalim gjatë një konference për sigurinë që u mbajt dje në Mynih, Gjermani, duke theksuar se kishte ardhur koha që t'i jepej fund prirjeve të rrezikshme në marrëdhëniet mes Moskës dhe NATO-s.