Mospajtime në Këshill

Kundërshtimet mes Jakup Krasniqit dhe Hashim Thaçit janë shfaqur edhe të mërkurën në mbledhjen e Këshillit Drejtues. Sekretari i PDK’së tha se kompromiset që po bëhen me Serbinë çojnë drejt një statusi special për Veriun, por me këtë konstatim nuk u pajtua kreu i partisë. Ky subjekt bëri të ditur se planifikon t’i kryejë zgjedhjet e brendshme deri në fund të vitit, ndërsa themeloi Qeverinë në hije për Kryeqytetin. E, Fatmir Limaj u ftua të kthehet në Parti e Qeveri.

Këshilli Drejtues i PDK’së ka njoftuar të mërkurën për nisjen e procesit zgjedhor brendapartik dhe për themelimin e Kabinetit për Qeverisje të Mirë për Prishtinën.

Këto dy vendime janë marrë pasi Lideri i PDK’së, Hashim Thaçi ka marrë kritika nga Sekretari i Partisë, Jakup Krasniqi për kompromisin e fundit me Serbinë.

Krasniqi dhe Thaçi kanë treguar se nuk janë në të njëjtën vijë politike kur bëhet fjalë për bisedimet me Serbinë.

Sekretari i PDK’së ka thënë se dialogu që po zhvillohet me Beogradin po e çon Kosovën drejt një kompromisi, e që është statusi special për pjesën veriore.

Për këtë arsye, ai ka kërkuar nga Këshilli Drejtues i PDK’së të deklarohet rreth fusnotës për të ditur përgjegjësinë.

“Ajo fusnotë nuk është e favorshme për Kosovën dhe Këshilli nuk ka debatuar, PDK’ja s`mund ta marrë përgjegjësinë për atë, por deklarimet e tjera që vijnë pas kësaj kohe që konsideroj se kanë marrë krah te këto lëshime që i janë bëtë palës serbe te këto bisedime janë paralajmërim për një autonomi të serbëve në Kosovë. Ndoshta më tepër mendohet për autonomi të pjesës veriore”, ka paralajmëruar Krasniqi.

Shkrimin e plotë mund ta lexoni në Express...