Mourinho i kënaqur me kualifikimin në çerekfinale

Trajneri i Real Madridit duket i kënaqur pasi ekipi i tij arriti të kualifikohet në çerekfinale të Kupës së Mbretit pas fitores 1-0 ndaj Malaga.

Reali fitoi 3-2 në ndeshjen e parë të 1/8-tës së finales dhe shkon në çerekfinale me rezultat të përgjithshëm 4-2 nga të dyja takimet, ku sipas gjasave do të takohet me Barcelonën.

“Ne kemi shënuar tetë gola në dy ndeshjet e kaluara dhe njerëzit na akuzojnë ne se nuk mbrohemi mirë. Ne kemi dhënë një paraqitje, serioze, pragmatike dhe praktike sonte. Ne u mbrojtëm mirë dhe rivali ynë vështirë fitoi rast për të shënuar”.

“Ne nuk bëmë një paraqitje brilante me topin, por ne megjithatë arritëm në rundin e ardhshëm kundër një skuadre të qëndrueshme e cila luajti në mënyrë inteligjente në të dyja ndeshjet. Do të ishte edhe më vështirë nëse nuk do të kishim shënuar. Bëmë përpjekje të mëdha për të fituar”, ka thënë Mourinho pas takimit të mbrëmshëm.