Mourinho i'a gjen rivalin Peter Cechut

Jose Mourinho mbrëmë ka tentuar të bëjë një blerje të befasishme për Chelsean. Sipas mediave angleze, Mourinho ka bërë ofertë zyrtare për portierin e Norwich, John Ruddy.

Mourinho është përcaktuar që Ruddy të jetë rivali i Peter Cech për edicionin e ardhshëm në portën e Chelseat.

Portieri çek i ka marrë paralajmërimet e para se nuk do të ketë vend të sigurtë në përbërjen e parë të Chelseat, duke kujtuar shembullin e Iker Casillas në portën e Realit.

Oferta e Chelseat prej 5 milion funtash për Ruddyn është refuzuar, por që ajo pritet të rritet dhe të finalizohet me sukses./Indeksonline/