Moyes i interesuar në Thierry Henryn

Menaxheri i Evertonit, David Moyes, është i interesuar të sjellë në radhët e veta në formë huazimi sulmuesin e New York Red Bulls, Thierry Henry.

Ish-sulmuesi i Arsenalit është duke stërvitur me Topçinjtë gjatë pauzës së sezonit në kampionatin amerikan të futbollit që zgjat deri në mars, dhe një huazim disamujor te një klub evropian mund të jetë i mundshëm.

Henry ka qenë në stadium gjatë të shtunës, kur Arsenali priti në fushën e tij Evertonin, dhe Moyes ka shprehur mendimin për një huazim të mundshëm të tij.

“Unë tashmë i kam kërkuar atij. E kam pyetur, ai do t`ju tregojë; nëse ai dëshiron të luajë le të më tregojë. Shpresoj se mund të bëj diçka”, ka thënë Moyes.

Evertoni bëri një marrëveshje të tillë huazimi me Los Angeles Galaxy për amerikanin Labndon Donovan në sezonin e kaluar. Sulmuesi bëri 13 paraqitje, shënoi dy gola dhe fitoi çmimin e lojtarit më të mirë të muajit janar.