Muja në Pixxelpoint
Pixxelpoint është një nga festivalet më të njohura dhe më të suksesshme të artit të ri medial në Slloveni dhe jashtë vendit. Qëllimi i Pixxelpoint është në radhë të parë për të sjellë teknologjinë e informacionit dhe artin e ri medial më afër publikut të gjerë, dhe së dyti, për të rritur ndërgjegjësimin në lidhje me një potencial të ndryshëm për përdorimin e kompjuterit në mesin e të rinjve. Në edicionet e mëparshme të festivalit kishte një reagim të madh medial duke sjellë kështu mbi 3000 vizitorë të cilët e vizitonin atë çdo vit, kështu që kjo është një sfidë për organizatorët për ta zgjeruar më tej atë dhe për t’i zgjeruar kufijtë e hapësirës së galerisë, e cila është bërë shumë e vogël për të gjitha projektet të cilat janë për t’u kryer. Ekspozita e projekteve të reja të artit medial, si ngjarja qendrore e festivalit është vendosur në galeritë e dy qyteteve kufitare në Slloveni në Nova Gorica në Mestna Galeri dhe Tir Galeri sikurse Metropolitana Galeri në Gorizia (Itali). Në këtë ekspozitë/festival në mesin e emrave të njohur të artit u prezantua edhe artisti kosovar, Alban Muja. Muja u prezantua me veprën ‘Tonys’ në të cilën shihen nëntë fëmijë shqiptarë të Kosovës të cilët janë emërtuar sipas emrit të ish kryeministrit britanik Tony Blair, i cili, sipas artistit, tek shqiptarët shihet si hero pas ndihmës që i bëri vendit në rrugën drejt lirisë. Përveç Mujës në këtë edicion kanë marrë pjesë edhe artistë tjerë, nder ta edhe artistët e njohur si Santiago Sierra apo Marina Grzinic.
Titulli në edicionin e 12-të të Pixxelpoint 2011 është dukshëm enigmatik: ‘Lets Get Ready’ (Të bëhemi gati), thjesht përcakton një hapësirë të angazhimit, e shtyrë përpara nga një forcë gjeneruese: "për të filluar përsëri nga fillimi" për ata që kërkojnë atë që formulon artin e ri medial në tranzicion ndërmjet manifestimeve të ndryshme, të cilat mund të marrin kuptime të reja në rikonfigurime të shumta kontekstuale, pa marrë parasysh materialitetin apo modalitetin e tyre. Ekipi kuratorial i ekspozitës përbehet nga Gülsen Bal – kuratore dhe teoriciene e kulturës vizuale. Ajo është udhëheqëse e zhvillimeve të projekteve dhe programeve në Open Space - Zentrum für Kunstprojekte në Vjenë. Po ashtu bashkëkuratorë ishin edhe grupi i artistëve Brida (Jurij Pavlica, Sendi Mango, Tom Kerševan).