Munaz, në pranga kryeplaku dhe 3 banorë, kishin parcela me kanabis

Policia e Mirditës ka vënë në pranga kryeplakun e fshatit Munaz dhe 3 banorë të këtij fshati, të cilët akuzohen për kultivim të lëndëve narkotike.

Kryeplaku Ndrec Buba u arrestua nën akuzën e shpërdorimit të detyrës, pasi nuk kishte lajmëruar autoritetet për kultivimin e drogës në fshatin Munaz të Rubikut, shkruan BW.

Burime nga policia bëjnë të ditur se 3 banorët e arrestuar, Arben e Nikoll Gjini dhe Ermal Pjetri kishin mbjellë kanabis sativa në një sipërfaqe toke në fshatin e tyre.

Arrestimet janë kryer pasditen e sotme nga Komisariati i Mirditës./Indeksonline/