Mund të shënonim shtatë kundër Arsenalit
Gjiganti italian triumfoi 4-0 në San Siro të mërkurën mbrëma në ndeshjen e parë të 1/8 së finales në Ligën e Kampionëve. Mirëpo, dominimi i Milanit ishte i tillë që nënkryetari Adriano Galliani kishte insistuar se rezultati në fund të takimit mund të ishte “pesë ose shtatë me zero”.
Dhe, Ibrahimoviç, i cili realizoi një dhe përgatiti dy gola të tjerë ka theksuar se mendon njësoj si Galliani.
“Pas golit për 4-0 kam shpërthyet nga gëzimi. Nuk ndodh çdo ditë të fitoni me një rezultat të tillë. Luajtëm shumë mirë taktikisht dhe me mençuri. Rezultati është i rëndësishëm dhe Galliani kishte të drejtë kur tha se mund të shënonim pesë ose shtatë. Por, është ndeshja e kthimit dhe kemi epërsi të madhe”, tha Ibrahimoviç për The Sun.
Reprezentuesi suedez beson se përkrahja për bashkëlojtarët është po aq e rëndësishme sa shënimi i golave.
“Më pëlqen të shërbej gola aq sa edhe t’i realizoj ata. Kushdo që e do futbollin mendon kështu dhe egoizmi nuk ekziston. Nëse Robinho, Cassano ose Pato shënojnë, është njësoj sepse gjeja kryesore është fitorja”, përfundoi ai.