Mungesa e pullave, bllokon procesin e kartave

Kartat bllokohen si shkak i mungeses se pullave per certifikata. Fenomeni prej 4 ditesh po ndodh ne Fier, Berat, Shkoder, dhe se fundmi edhe ne Korce. Pikerisht ne nje moment kur syte e politikes jane drejtuar nga procesi me i rendesishem i momentit, njera pale duke bere apel per pjesemarrje te qytetareve ne proces dhe pala e kundert, duke bere thirrje per aplikim falas, 4 bashki ne rrethe japin alarmin. Gjendja Civile e Korces eshte njera prej tyre qe po has veshtiresi, per mungese pullash. Shkak i ketij pezullimi te detyruar te punes, eshte bere mungesa e pullave 50 lekeshe te cilat e bejne certifikaten te pavlefshme. Ne nje prononcim per mediat, nenkryetari i bashkise se Korces Arjan Bejko, tha se "ne baze te informacioneve qe kemi marre ne institucionet perkatese, te cilat jane pergjegjese per furnizimin e Gjendjes Civile me pulla, na eshte thene se nuk jane furnizuar nga qendra me pulla, dhe kjo ka bere te mundur qe te mos kryhet sherbimi ndaj qytetareve. Duke pasur parasysh qe ne jemi nje rreth kufitar, me emigracion te madh ka nje nevoje te madhe per pajisjen me certifikate", tha Bejko. Qindra qytetareve te Korces nuk po iu ofrohet ky sherbim per shkak te mungeses se pullave prej 4 ditesh kur vetem ne kushte normale, punonjesit e Gjendjes Civile ne Korce shperndajne rreth 300 certifikata, nderkohe qe ne dite piku, kur ka emigrante dhe studente numri i tyre i kalon te 700 copet. Sipas Bejkos, niveli i aplikimeve per kartat e identitetit ka rene ndjeshem si shkak i mungeses se certifikates, duke shtuar se qe te marresh nje karte identiteti duhet te pajisesh me certifikate, mungesa e pullave ka bere te pamundur marrjen e kartes, e per pasoje bllokimin e procesit.