Mungon vetëm kundër Romës?

Lëndimi i Alexandre Patos është më pak i rëndë seç pretendohej, kur ai doli nga loja me barelë të dielën në përballjen e Milanit me Atalantën.

Mjekët e klubit Rossoner i kanë bërë dy kontrolle sulmuesit të ri brazilian, ndërsa nuk është vërejtur ndonjë dëmtim i rëndë i muskulit të këmbës së tij.

Kjo do të thotë se Pato do të mungojë në përballjen e së shtunës kundër Romës, por ai mund të jetë i gatshëm për përballjen e së mërkurës kundër Manchester United në Old Trafford.