NATO: Situata në veri ti kthehet normalitetit, mbështesim EULEX

E mërkurë, 28 shtator 2011, NOA- Situata e tensionuar në veri të Kosovës ka bërë që NATO të reagojë duke shprehur mbështetjen e saj për operacionet e EULEX-it për të vendosur në veri të Kosovës sundimin e ligjit.
Nëpërmjet zëdhënësit Ike Skelton, NATO shprehet se, Disa ekstremistë serbë tentuan të provokojnë dhunë, por incidenti është zgjidhur dhe situata është e tensionuar por e qetë. NATO pranon të drejtën për protesta të qeta e të ligjshme, si dhe demonstratat, por ngadalësimi apo pengimi i trafikut përmes barrikadave dëmton pronarët e dyqaneve, konsumatorët dhe krijon situatë të rrezikshme që kërkon shërbime emergjente, ka thënë zëdhënësi Ike Skelton.
Deklarata e bërë në emër të Komandës së Bashkuar të Forcave të NATO-s në Napoli ku thuhet se, kur protestat kthehen në dhunë dhe liria e lëvizjes pengohet, NATO duhet të reagojë, duke shtuar se liria e lëvizjes duhet të riinstalohet dhe barrikadat duhet vullnetarisht të hiqen, për të mirën e të gjithë njerëzve.
a.y/NOA