NATO, pse pritet dyfishim investimesh

Investimet e huaja direkte pritet te dyfishohen me anetaresimin e Shqiperise ne NATO. Parashikimin e ka bere dje Kryetari i Bashkimit te Dhomave te Tregtise dhe Industrise, Ilir Zhilla. Sipas tij, tashme Shqiperia ka hyre ne rrethin e vendeve qe ofrojne siguri te larte dhe ky eshte nje element mjaft i rendesishem per investitoret e huaj. Nderkohe, qe ky parashikim eshte vertetuar tashme ne vendet jane bere pjese e aleances me te madhe ushtarake te botes. Rumania, sipas Zhilles ka pesuar nje dyfishim te investimeve te huaja fill pas anetaresimit ne NATO. Shqiperia eshte pare nga investitoret si nje vend qe ofron pak per sigurine dhe kjo eshte stimuluar edhe me ngjarjet e vitit 1997. Por sipas kreut te organizatave te biznesit tashme elementi i sigurise garantohet nga anetaresimi ne NATO dhe kjo perben nje hap mjaft cilesor ndaj thithjes se investimeve te huaja ne vend. Per shkak te anetaresimit ne aleance ekspertet presin te shohin investime kryesisht ne sektorin e energjise kete vit si edhe ne sektoret e burimeve natyrore dhe turizmit. Burimet natyrore energjetike te Shqiperise po terheqin gjithashtu investitore. Ne fund te janarit, kompania austriake e energjise EVN fitoi oferten per nje kontrate qe ka per qellim shfrytezimin e potencialit hidroenergjitik te lumit Devoll me nje prodhim vjetor prej 985,400 MW/h. Kompanite konsultuese austriake e kanadeze po studiojne shfrytezimin e zonave te pasura me minerale ne Shqiperi pas eksporteve te rritura te kromit, sipas burimeve qeveritare. Me nje infrastrukture ne zhvillim, nxitjen qeveritare dhe nje rritje ne numrin e turisteve, pjeserisht per shkak te rritjes se turizmit ne vendet fqinje qe lagen nga Adriatiku, turizmi shqiptar po behet gjithnje e me teper terheqes per kompanite e huaja. Per shembull, nje investim 500 milion euro i sistemit te hekurudhave nga China Railroad Construction Corporation pritet te rrite mundesite udhetuese. Gjate vitit 2008, investimet e huaja ne Shqiperi rezultuan rreth 60 % me te larta se nje vit me pare, duke arritur nje rekord prej 600 milione eurosh. Ne raportin e Bankes Boterore per vitin 2007-2008 Shqiperia u klasifikua si vendi i dyte per nga shpejtesia dhe cilesia e reformave te ndermarra per klimen e biznesit. Shqiperia aktualisht konsiderohet se, vendi me taksat me te uleta ne Evrope. Ne forumin e katert ekonomik, te Crans Montanes qe u mbajt para pak ditesh ne Tirane Kryeministri Sali Berisha ka deklaruar se, anetaresimi ne NATO ka rritur sigurine per investime ne Shqiperi.

600 Milione euro kane rezultuar investimet e huaja direkte ne vitin 2008. Sipas Ministrise se Ekonomise, pavaresisht krizes ekonomike globale, investimet e drejtperdrejta ne ekonomi ishin 60 per qind me te larta se, ne fund te vitit 2007.

200 Per qind pritet te jete rritja e investimeve te huaja te drejtperdrejta ne ekonomi pas anetaresimit te Shqiperise ne NATO. Ekspertet presin rritje te investimeve ne sektorin e energjise si edhe ne sektoret e burimeve natyrore dhe turizmit.