NBA: Wizards i bëjnë ballë James

Washington Wizards i kanë bërë ballë 34 pikëve të shënuara nga LeBron James për të mposhtur liderin e Divizionit të Qendrës, Cleveland Cavaliers, me rezultat 108-91 duke iu dhënë fund edhe gjashtë humbjeve radhazi.
Antawn Jamison, i cili kishte dëmtuar kraharorin gjatë para-sezonit dhe mungoi në nëntë ndeshjet e para, shkëlqeu në ndeshjen debutuese të këtij sezoni, duke shënuar 31 pikë dhe 10 kërcime për Wizards.

Cavaliers, që pësuan humbjen e katërt të sezonit dhe të parën pas pesë fitoreve (nga tetë sa kanë gjithsej), luajtën pa qendrën Shaquille O'Neal, që mungon për të tretën ndeshje radhazi për shkak të lëndimit.