NBA play-off, Nju Jorku dominon ndeshjen e 6-të dhe eliminon Celtics
Kampionët në fuqi të NBA, Boston, janë eliminuar mbrëmjen e kaluar në takimin e gjashtë të serisë përballë Nju Jork. Në “Madison Square Garden” Boston qëndroi për vetëm një periodë dhe më pas të zotët e shtëpisë rritën ritmin duke përfunduar takimin me titullarët të gjithë me numra dyshifrorë.
Kontributin më të madh e dha i zakonshmi Xhejlën Brunson (23 pikë), i cili u ndihmua nga Josh Hart (10 pikë, 11 topa në tabelë dhe 11 asist). Nju Jork fluturon kështu drejt finales së Konferencës së Lindjes pas plot çerek shekulli.
NEW YORK KNICKS-BOSTON CELTICS 119-81 (4-2)