“Na bllokuan celularet dhe ujin”

Te ngujuar ne Kuvend, pa uje e pa ngrohje. Keshtu kaloi dita e pare e greves se urise se deputeteve qe zgjodhen kete rruge proteste kunder Kodit te ri Zgjedhor, te hartuar nga dy forcat e medha politike PD-PS. Deri ne oret e vona te mbremjes, grevistet nuk u furnizuan dot me uje edhe pse e kerkuan shume here ate. Zedhenesi i greves, deputeti Dritan Prifti tha dje per gazeten, se edhe pse i kerkoi disa here Sekretarit te Pergjithshem te Kuvendit, uje per grevistet, ai nuk erdhi, ndonese ne biseda telefonike premtonte se do te plotesonte kerkesen. “Asnje nga ankesat tona nuk u plotesua deri ne mbremje. Na lane pa ngrohje e pa uje”, tha Prifti. Sipas tij, i vetmi reagim ndaj grevisteve, ishte vizita e mjekeve, per te matur tensionin e atyre deputeteve me problematike qe paten luhatje tensioni, kjo dhe per shkak te ftohtit. “Shqetesime te tjera shendetesore nuk ka per momentin, por ne kerkojme qe mjeket te na qendrojne prane”, tha Prifti, duke lene te kuptohet se grevistet do te rrine gjate dhe nuk terhiqen. Gjate dites se djeshme, nga salla e greves ne Kuvend ka pasur ankesa te shumta. Pervec mungeses se ngrohjes e ujit, qe u ngrit si shqetesim dhe nga nje prej grevisteve Petro Koci, deputetet e ngujuar pretenduan se u jane bllokuar qellimisht valet e telefonave celulare. Koci dhe Ilir Meta, pretendojne se kjo eshte nje manover e kryeministrit, per te mos lejuar depertimin e informacionit mbi gjendjen e greves. Madje gjeten dhe nje aparature te posacme, qe bllokonte kontaktet telefonike. “Greva e lire do te vazhdoje, pavaresisht kushteve qe na krijuan. Nuk do te lejojme korrupsionin me votat e shqiptareve”, reagoi Petro Koci, qe ndodhet ne greve. Jashte dyerve, protestes paqesore te mbeshtetesve te deputeteve te LSI-se dhe PDK-se qe u ngujuan ju bashkuan dhe deputete te pavarur, si Gilman Bakalli dhe Spartak Ngjela. Bashke me turmen ata protestuan per voten e lire, e cila po monopolizohet sipas tyre nga dy partite e medha politike. Jo ne pak raste gjate dites se djeshme, turma protestuese jashte dyerve te greves u ashpersua, duke reaguar rende. Situata u ndez, kur ne sallen e grevisteve nuk u la te hynte nje autoambulance, e cila do te maste tensionin e deputeteve ne greve. Zyra e Kuvendit, konfirmoi se mjeket hyne brenda, por ishte makina e ambulances, ajo qe nuk u lejua te hyje ne ambientet e brendshme te institucionit te Kuvendit. Rozeta Rapushi