Garda pengon hyrjen, LSI paralajmeron padi penale ndaj saj

Dritan Prifti e Jak Ndokaj “perjashtohen” nga greva e urise. Dy deputetet e LSI dhe PDK qe hyne ne salle per te qene pjese e greves, nuk jane me ne te, pasi levizja nga ambientet per disa minuta, beri qe garda te mos i lejoje me te hyjne. Teper i acaruar, Prifti tentoi te rihyje por gardistet nuk e lejuan qe te shkele me ne ambientet e Kuvendit. “Deputetet qe jane ne greve kerkojne thjesht qe njerezit te votojne lirisht, por Rama dhe Berisha duan te vendosin per drejtuesit e shtetit”, reagoi Prifti. Ai u shpreh se do te konsultohet dhe me juristet e LSI per nje padi penale ndaj drejtuesve te Gardes per shtetrrethimin e bere ne Kuvend. Ai tentoi gjate dites se djeshme disa here per te hyre, por u pengua forcerisht nga gardistet. Si pasoje, Prifti si zedhenes i grupit te grevisteve mbeti jashte, pa mundur te jete pjese e protestuesve. Serish dje ai tha se, kjo forme proteste u zgjodh per shkak te manipulimit qe po tentohet te behet me votat e shqiptareve ne zgjedhjet e ardhshme parlamentare. Deputetet greviste kane pasur kontakte telefonike dhe me perfaqesi diplomatike, por nuk dhane detaje te bisedes. Nderkohe qe nuk ka munguar te shprehet edhe njehere se bllokimi qe iu be per te hyre ne greven e urise, eshte nje perpjekje per te penguar kete menyre proteste, duke kercenuar se do t’i drejtohet organeve te drejtesise.