Na vrasin natën e na qajnë ditën me lot krokodili

Pushtetarë që po na vrasin natën dhe na qajnë ditën me lot krokodili. Pushtetarë dhe politikanë që e vënë ujin në zjarr vetëm atëherë kur u preken interesat e tyre dhe u trazohet çorbat që gatuajnë me njëri-tjetrin. Pra, duhet të ruhemi se në çdo moment jemi të rrezikuar nga papërgjegjshmëria e atyre që kemi zgjedhur që të na përfaqësojnë e të na "integrojnë". Kështu do të ngelet gjendja jonë mjerane për sa kohë ne si popull do të ngelemi të mirët për botën dhe të këqijtë e vetes.