Napoli, më i mirë pa Lavezzin
Legjenda italiane, Fabio Cannavaro beson se ish klubi i tij Napoli ka përfituar nga shitja e përfaqësuesit argjentinas, Ezequiel Lavezzi.
Ky i fundit, pasi kaloi disa sezone në San Paolo, vendosi të largohej në drejtim të Paris Saint Germainit, për 30 milionë euro.
“Në Napoli e shoh një ekip më të balancuar, më komplet, në krahasim me kohën sa ishte Lavezzi. Do t’i rekomandoja të gjithë lojtarët të shkojnë në Napolit, është një vend mirënjohës dhe i suksesshëm”, theksoi ish ‘Topi i Artë’ për ‘Tuttosport’.
Ai e ka lavdëruar edhe vëllanë Paolo Cannavaro, për të cilin thotë se është njëri prej mbrojtësve më të mirë në Itali për momentin.