Ndahet nga jeta Profesori i njohur Adriatik Kallulli

Ai ndërroi jetë ditën e djeshme në banesën, pas më shumë se një viti sëmundje.

Kallulli qëndroi në Austri për muaj të tërë në përpjekje për të luftuar sëmundjen që e shqetësonte prej kohësh. Profesor Adriatik Kalluli, ka dhënë mësim për dhjetëra vite në Akademinë e Arteve në Tiranë, por edhe në fakultete të tjera ku jepte lëndët e kritikës së artit.

Ai njihet për redaktimin e imtësishëm të dhjetëra e qindra librave në fushën e letërsisë. Por sot, tashmë ai nuk është në këtë jetë, por ka lënë pas veprat e tij. Gazeta Start, shpreh ngushëllimet për familjen e Kallullit.

                                                                                             2011-12-28 10:06